Pasditen e sotme, çifti i ri, Maria dhe Gëzimi ishin të ftuar në emisionin “Rudina”.
Në një intervistë të gjatë për njohjen dhe dasmën e tyre, ata treguan për publikun detaje që nuk diheshin më parë.
Një ndër to ishte edhe momenti i takimit të Gëzimit me të atin e Marias, këngëtarin Stefi Prifti.
Maria tregoi se këngëtari në takimin e parë ka reaguar si të gjithë baballarët.
Ai është përpjekur që të gjejë diçka të keqe tek dhëndri dhe është kapur pas profesionit të tij.
“Kur babi e takoi Gëzimin për herë të parë ishte një siklet i paparë. Pasi mbaroi takimi babi më tha: Tani një pyetje kam unë, ti e ke parë me sytë e tu që ky pikturon? Donte patjetër që t’i gjente diçka, të kapej diku. Madje në takimin e parë: Po ti domethënë pikturon? Si me penela?”, pohoi Maria duke qeshur.
Kujtojmë se Maria dhe Gëzimi celebruan dashurinë e tyre me martesë, në një ceremoni shumë speciale.
