Postimet e para pak ditëve në Instagram të Kejvina Kthellës, na bënë të mendojmë se ka nisur punën në televizionin italian.
Ish- velina e “Xing me Ermalin” postoi foto nga Milano, ku ndodhen studiot dhe zyrat qëndrore të disa televizioneve të mëdha italiane, si “Canale 5” apo “Italia 1” të grupit Mediaset.
Por, postimet e Kejvinës dje në Instastory, tregojnë se mund të ketë ndodhur diçka që e ka mërzitur modelen. Dy mesazhe në italisht drejtuar njerëzve që kritikojnë të tjerët dhe atyre të shtirur, Kejvina s’mund t’i ketë postuar pa qëllim.
“E bukura është se jeni gjithçka kritikoni”, është njëra prej shprehjeve të shpërndara nga Kejvina në Instagram.
Tjetra, është pjesë e tekstit të këngës “Non ce la façio piu” (S’mundem më), e reperit Gemitaiz.
“Jeni falsë, stuhi pa bubullima, shtireni se jeni mendimtare por jeni bisha pa zemër.”
Këto ditë, Kejvina u kthye në Shqipëri, siç tregojnë fotot e fundit.
Në puntatën e saj të fundit si velinë e “Xing me Ermalin”, ajo zbuloi se ishte një ofertë nga një televizion italian, çfarë e kishte bërë të hiqte dorë nga televizioni “Klan”.
Ermal Mamaqi u shpreh se ishte “një kanal i fuqishëm italian” ai ku do ta shikojmë Kejvinën, e megjithatë bjondina bukuroshe nuk ka dhënë detaje të tjera.
E pyetur nga një fans në prill nëse e gjitha ishte një gënjeshtër, Kejvina u përgjigj: “Në proces”.
