Mund të thuhet pa frikë se Luana Vjollca është një perfeksioniste e vërtetë.
Madje, një moment tek klipi i saj i parafundit, “Boll u bo tu vujt” mbeti bosh sepse Luanës nuk i kishte pëlqyer asnjë xhirim.
Por, mesa duket Luana paska bërë prapë “nga të sajat” edhe tek klipi i saj i fundit me Danin, “Sonte”.
Vetë moderatorja publikoi sot në Instagram një skenë të papublikuar nga xhirimet, teksa uron ditëlindjen e grimieres që e kuron në klipet e saj, Sellma Kasumoviq.
Në skenën që nuk u përfshi në videon finale duket Luana me fustanin e tyltë të bardhë dhe disa kërcimtare pas saj, që u duken vetëm krahët me gota në duar.
Sidoqoftë, nuk është ndonjë çudi që skena të tëra të mbeten jashtë klipeve. Realizuesit e klipeve e kanë si praktikë që të xhirojnë sa më shumë, në mënyrë që të kenë ç’të zgjedhin.
