Fëmija i parë i Dukës dhe Dukeshës së Sussex-it erdhi në jetë më 6 maj.
Në Ditën e Nënave më 12 maj, pallati i Sussex-it publikoi një foto të duarve të Meghan, që përkëdhelin këmbët e Archie-t të vogël.
Nga shumë, u konsiderua si një kopje e fotos së Kylie Jenner në shkurt të 2017-ës, kur u bë mama e Stormi-t.
Por në fakt, fotoja e postuar në Instagram-in zyrtar të Meghan dhe Harry-t fsheh një tribut për gjyshen e ndier të Archie-t, princesha Dajanë.
Në sfond, dallohen edhe pse të vagullta lulet “Mos më harro”, të cilat kanë qenë të preferuarat e princeshës ikonë.
Fotoja është shkrepur në oborrin e Pallatit të Sussex-it.
“Sot u kushtojmë një tribut të gjitha nënave”, shkruhet në urimin e pallatit, “nënave të dikurshme, nënave të tanishme, nënave që presin të bëhen nëna. Nderojmë dhe celebrojmë secilën prej jush.”
Ditën e nënave, Dukesha Meghan Markle dhe Duka Harry e kaluan me Doria-n, mamaja e Meghan-it, në vilën Frogmore.
Marrëdhënia e Harry-t me mamanë e tij, Dajanën, ka qenë shumë e afërt dhe plot kujtime për 34-vjeçarin, më i vogli prej dy fëmijëve të princeshës.
Në një intervistë për “Good Morning America” në 2016-ën, princi Harry u shpreh se shpreson që ajo të jetë krenare për atë çfarë ai është sot.
“Shpresoj të jetë duke na parë nga lart me lot në sy, shumë krenare për atë çfarë kemi arritur. Jam e sigurt që ajo dëshiron shumë që unë të kem fëmijë, që ajo të bëhet gjyshe përsëri.”
Në dasmën e tyre në maj të vitit të kaluar, Meghan Markle dhe Harry nderuan Lady Dajanën duke zgjedhur lulet “Mos më harro” për buqetën e nuses, si kur princesha Diana u martua me princin Charles në korrik të 1981-shit.
