Deri më tani, Loredana Zefi po përballet me 2 akuza për zhvatje parash, e para nga çifti zviceran dhe e dyta nga ish-shoqja e saj fotografe (lexo këtu).
Por gazeta zvicerane “20 min”, shkruan se asaj i është shtuar edhe një akuzë për marrjen e 1000 frangave nga një kompani varkash me qira.
“Blick” (portal zviceran) raporton se një pronar anijesh është mashtruar nga Loredana në vitin 2017, dhe këtu është përfshirë edhe Mozzik.
Ajo ishte paraqitur si e bija e avokatit Valentin Landmann, duke kërkuar marrjen e një varke me qira me burrin e saj Mozzik, por pa licencë.
“Unë gjithmonë vozis varkën e babait tim”, kishte thënë Loredana sipas pronarit.
Pas tre orë e gjysmë, Loredana dhe Mozzik, ishin kthyer në Liqenin Neuchâtel. Kur kompania e anijeve me qira ju kërkoi paratë, ata thanë se do të shkonin t’i merrnin pasi nuk kishin të holla me vete, por nuk ishin kthyer më.
Duke qenë se e gjithë shuma që duhet të paguanin ishte 1000 franga, kompanisë iu duk e papërshtatshme të bënte një ankesë penale.
Pronari kishte vendosur të pyeste avokatin Valentin Landmanin dhe ky i fundit ishte shprehur se i ishte keqpërdorur emri. Emri i plotë i pronarit që ka akuzuar Loredanën, nuk është përmendur nga gazeta zvicerane as me iniciale dhe as avokati i reperes nuk ka dhënë ndonjë sqarim për këtë.
/Blic.com
