Loredana Zefi vijon me projektet e reja pasi shkaktoi një fortunë me akuzat për mashtrim dhe zhvatje të parave ndaj një çifti zbiceran.
Me të përfunduar konferencën para gazetarëve, Loredana është nisur për të bërë xhirime të klipit të ri.
Këtë gjë e ka treguar përmes imazheve që postoi në Instagram, menjëherë pasi përfundoi konferenca.
Në një fotografi, ajo falënderoi fansat e saj për mbështetjen duke shkruar:
“Duke pritur për të vazhduar xhirimet e videoklipit. Faleminderit fansave të mi që nga fillimi qëndrojnë me mua. Si në të mirë, ashtu edhe në të keq. Ju dua! Loredana”.
Me pas ajo tregon pamjet e një grupi të rinjsh që bërtasin dhe brohorasin për reperen ndërkohë që kjo e fundit i filmon.
Duke folur për çështjen Loredana tha se të gjitha paratë e dhëna nga Petra Z., u dhanë vullnetarisht dhe se nuk pati kërcënime apo detyrime. Reperja tha se në të vërtetë kjo është një çështje që u takon vëllezërve të saj.
