Dukesha e Sussex po merr në konsideratë mundësinë që të lindë në shtëpi. 37-vjeçarja Meghan Markle, që është në pritje të fëmijës së saj të parë, mësohet se do të ndjekë gjurmët e Mbretëreshës dhe nuk do të zgjedhë spitalin por shtëpinë, për të sjellë në jetë foshnjën në fund të këtij muaji.
Mbretëresha erdhi në jetë në shtëpinë e gjyshërve të saj në Mayfair dhe i lindi të katër fëmijët e saj në Buckingham Palace ose në shtëpinë Clarence.
Burimet thonë se, nga ana tjetër Harry dhe Meghan nuk e përjashtuan mundësinë që lindja të bëhet në spital, pasi një grua që lind një fëmijë mbi të 35-tat ka një rrezik për lindje të parakohshme ose për ndonjë ndërhyrje cezariane.
Por një mikesha e saj thotë që, Meghan praktikon jogën çdo ditë dhe është shumë e shëndetshme, kështu që nuk mund të ketë asnjë arsye që ajo të shkojë në spital.
“Është zgjedhje e saj, por dukshëm që gjërat varen sesi do të jenë kur të afrojë momenti”, tha burimi.
Nëse do të zgjedhë lindjen në shtëpi, atëherë Meghan mendohet se po shqyrton lindjet pa shumë dhimje, në një vaskë me ujë ose në pishinë. Gjithashtu mësohet se bashkë me Harry-n, ka studiuar teknikën “hypnobirthing”. Princi do të jetë pranë saj në çdo çast të lindjes.
Burimi: Daily Mail
