Viktima e grabitjes në Rinas u identifikua sot nga bashkëshortja e tij. Admir Murataj mbeti i vdekur pasi u shkëmbye zjarr me FNSH-në dhe bashkëshortja e tij konfirmoi zyrtarisht se ishte ai personi, që u vra dje pas grabitjes në Rinas.
Në një video të publikuar nga “BalkanWeb” tregohet momenti kur bashkëshortja e tij del jashtë ambienteve të Morgut të Tiranës, duke shpërthyer në lot.
Murataj është një nga pesë grabitësit e maskuar, të cilët vodhën 10 milionë euro të katër bankave të nivelit të dytë, që duhet të transportoheshin drejt Vjenës.
Pasi morën paratë, grabitësit u ndoqën nga forcat e FNSH-së dhe gjatë shkëmbimit të zjarrit Murataj mësohet se u qëllua pas kokës.
