Këngëtarja e mirënjohur Adelina Tahiri e cila është e martuar me avokatin maqedonas Serjozha Markov, vetëm pak muaj më parë u bë nënë e një vogëlushi.
Në muajin gusht të vitit të kaluar, 26-vjeçarja u bë nënë për herë të parë dhe djalin e quajti Jon.
Adelina shpeshherë poston foto me familjen dhe të tre duken mjaft të lumtur së bashku.
Bukuroshja bjonde është shquar gjithmonë për linja trupore fantastike dhe nëse kishit ndonjë dyshim për faktin se shtatzënia mund të kishte lënë gjurmët e saj, e kishit gabim!
Pavarësisht faktit se kanë kaluar 5 muaj nga lindja e djalit, këngëtarja i ka çuditur të gjithë me linjat e saj perfekte!
Ajo ka publikuar një foto në llogarinë në Instagram teksa ka ngritur bluzën dhe ka treguar barkun e sheshtë, që për hir të së vërtetës shumë femra e kanë zili.
