Reperi Travis Scott zbuloi sot se ai dhe Kylie Jenner e kishin ngjizur vajzën e tyre Stormi vetëm tre javë pasi kishin filluar të dilnin. Për “Rolling Stone” Travis tha se ata ishin menjëherë të gatshëm të bëheshin prindër kur morën vesh se Kylie kishte mbetur shtatzënë.
“Ndjenim se kjo ishte diçka e veçantë dhe ne kishim folur për fëmijët” – tha Travis.
Reperi gjithashtu pranoi se në fillim donte të lindte një djalë, por ai tha se vazja ishte gjëja më e mirë që mund t’i ndodhte. Më tej ai foli dhe për lidhjen me Kylie dhe planet për martesë duke zbuluar se po përgatit një propozim të paparë për partneren e tij.
“Do të martohemi së shpejti. Unë thjesht duhet të bëhem i guximshëm t’i propozoj në një mënyrë të paparë “- tregoi 26-vjeçari.
Reperi zbuloi gjithashtu se historia e tyre nisi në festivalin e famshëm Coachella në prill të vitit 2017.
