Këngëtarja me origjinë shqiptare, Rita Ora është bërë nostalgjike dhe ka bërë një dedikim emocionues për vendin e origjinës së saj, Kosovës.
Ajo ka kujtuar ardhjen në Kosovë dhe momentin historik kur u shpall “Ambasadore Nderi” në vendin e saj të lindjes nëpërmjet një statusi mjaft të ndjerë në profilin e saj në Instagram.
“Teksa jam duke udhëtuar për në koncertin e radhës, e gjeta veten duke menduar për momentet e jashtëzakonshme që kam patur në karrierën time deri më tani. Ky moment ishte i veçantë për mua. Gjithmonë do të ndihem e përulur dhe e privilegjuar që të mbaj titullin si ‘Këngëtarja e parë’ e dal në tregun ndërkombëtar nga Kosova dhe të tregoja se një vend kaq i bukur ekziston vërtet. Më kujtohet secili prej jush që keni qenë prezent në shpalljen ‘Ambasadore Nderi’ nga Presidentja Atifete Jahjaga, Kryeministri Tony Blair dhe Cherie Blair, Ambasadorin e Kosovës Lirim Greiçevci, Ambasadorin e Shqipërisë Mal Berisha, Lordin George Robertson dhe gjithë muzikantët nga Kosova, ishte një moment historik. Që atëherë kemi patur plane të jashtëzakonshme që i kemi përmbushur dhe kemi arritur të bëjmë bamirësi me ndikim të madh në botë. Pres me padurim të vazhdoj të mbaj me krenari statusin e ambasadores dhe të vazhdoj të përfshij Kosovën aty ku gjithmonë e ka merituar të jetë, KUDO! (Më falni sepse kam qenë në makinë prej disa orë dhe jam disi e ndjeshme dhe krenare). Ji krenar për origjinën. Mos e harro kurrë.”, shkruan Rita krahas fotove nga ceremonia e dhënies së titullit tre vite më parë.
