Problemet me fytyrën janë mëse të pranishme tek të gjithë. Pavarësisht produkteve të ndryshme që përdorim dhe që realisht kanë një kosto shumë të madhe monetare, nuk arrijmë të kemi rezultatin e dëshiruar.
Ndonjëherë mjafton që të përdorim edhe vetëm produktet bio që kemi në shtëpi dhe të arrijmë një lëkurë perfekte, si një bebe. Ne ju sugjerojmë një maskë që përbëhet vetëm nga dy element, sode buke dhe vaj kokosi.
Produkti i përfituar nga kombinimi i këtyre dy përbërësve jo vetëm që ka një kosto minimale, por ka edhe një efekt të madh. Vaji i kokosit njihet për vetitë e tij antibakteriale dhe shëruese. Ndërsa soda e bukës është tejet e mirë për trajtimin e akneve dhe rikthimin e balancimit të pH të lëkurës.
Çregullimi i pH sjell probleme të tilla si aknet, lëkurë e thatë dhe pika të zeza. Soda e bukës gjithashtu ndihmon edhe në uljen e skuqjeve të lëkurës dhe zvogëlon poret e hapura.
Të përdorësh vajin e kokosit si pastures për fytyrën është një ide shumë e mirë. Bashkimi i sodës dhe vajit të kokosit bën të mundur që përbërja e përfituar të depertojë thellë në pore dhe parandalon aknet dhe pikat e zeza.
Përgatitja e recetës
-2 lugë çaji vaj kokosi
-1 lugë caji sodë buke
Mënyra e përgatitjes
Përzieni të dy përbërësit në një tas dhe në këtë mënyrë përgatitni maskën vetëm për një përdorim. Sigurohuni që të formohet një pastë dhe më pas aplikojeni në lëkurë me lëvizje rrethore edhe një herë.
Lëreni në fytyrë për 5 minuta dhe më pas shpëlajeni me ujë të ngrohtë. Ndërkohë që e shpëlani fytyrën masazhojeni përsëri . Më pas thani fytyrën me një peshqir të pastër.
Bëjeni këtë maskë vetëm 2 herë në javë dhe rezultati do të jetë befasues.
