Mbrëmjen e djeshme u mbajt në Paris edicioni i 41-të i “The Best Awards” ku artistë nga fusha të ndryshme u nderuan me çmime. Këngëtarja Arilena Ara, fama e së cilës ka kapërcyer kufijtë shqiptarë, u nderua në këtë eveniment me çmimin “The Best Awards” për kategorinë e muzikës duke u përzgjedhur kështu si “Këngëtarja fenomen e vitit”.
Arilena Ara bëri bujë në botë me këngën e saj “Nëntori”, por edhe me këngët e albumit të ri, duke marrë kështu vëmendje e të gjithëve.
Këngëtarja shqiptare ka postuar në “Instagram” një video, përmes së cilës na ka treguar edhe veshjen e saj në këtë ceremoni, e cila shënon një vlerësim të rëndësishëm në karrierën e saj. Arilena shfaqet në ballkonin e hotelit ku është akomoduar në Paris dhe shkëlqen teksa pozon me fustanin e saj të gjatë ndërsa në sfond është Kulla Eiffel. Ndërkohë ne jemi në pritje të shikojmë fotot gjatë ceremonisë së shpërndarjes së çmimeve “The Best Awards”.
