“E diela shqiptare” dhe veçanërisht rubrika “Shihemi në gjyq” është një nga formatet televizive më të ndjekura. Juristja e njohur e kësaj rubrike, Eni Çobani, është kthyer ne ikonë të drejtësisë në sytë e shqiptarëve.
Eni shfaqet në rolin e ndërmjetësueses për shumë debate dhe probleme që shqetësojnë shoqërinë shqiptare. Ekrani televiziv e ka kthyer atë në një nga juristet më të dashura për publikun.
Jo të paktë kanë qenë ata persona, të cilët i kanë thënë publikisht se në seancat e ndërmjetësimit kanë ardhur vetëm për të dhe respektin e madh që gëzojnë ndaj saj.
Ditën e djeshme ishin të ftuar në “Shihemi në gjyq” dy shokë që e vunë në siklet Enin.
Një borxh i pashlyer i futi në sherr dy shokët. Xhumai rrëfeu jetën e tij të vështirë dhe peripecitë që i kishte shkaktuar ish-bashkëshortja me tradhti dhe me një çështje gjyqësore për “pjesëtimin e pasurisë”. I gjendur në vështirësi, i kërkoi para borxh shokut të tij, Astritit, i cili ia ka dhënë mikut të tij paratë 4 vjet më parë dhe ai nuk ia ka kthyer.
Eni duke u përpjekur që dy shokët të bien në një kompromis, i kërkoi Astritit të jetë i mirëkuptueshëm. Ai i tha juristes se ka besim vetëm tek ajo.
“Dakord te besimi … Faleminderit. Do të presim vendimin e gjykatës?”, insistoi Eni.
“Nuk e di, ti e di atë. Unë të pres vetëm ty…”, iu përgjigj Astriti duke e vënë në siklet Enin.
“Mos e marrim në konotacion negativ, më pret për zgjidhjen e problemit! Të lutem, sepse, realisht njerëzit ndonjëherë i lënë fjalët përgjysmë. Po më pret për zgjidhjen e problemit!”, tha ajo pa e fshehur buzëqeshjen e sikletshme.
Eni nuk është mjaftuar me kaq po ka postuar në “Instagram” një foto së bashku me Astritin për të cilin shprehet me superlativa shumë pozitive.
“Më mirë një mik sesa një çiflig thoshin dikur dhe në fakt është e vërtetë. Një mik si Astriti rrallë e gjen dhe për mos ta lënë të më pres gjatë po bëjmë një foto që t’ja jap për kujtim derisa të takohemi sërish. Faleminderit për respektin dhe besimin tënd Astrit”, shkruan Eni në foton krahas Astritit.
