Surprizë! Anna Kournikova dhe Enrique Iglesias u bënë prindër për herë të parë të dy binjakëve.
Ish-lojtarja e tenisit, 36 vjeçe dhe këngëtari 42 vjeç, mbajtën sekret shtatzëninë.
Anna solli në jetë djalin me emrin Nikolas dhe vajzën me emrin Lucy, të cilët lindën në fundjavë në Miami, Florida, sipas TMZ.
Të shtunën, Kournikova postoi tre foto në “Instagram”, ku pozonte në një varkë, por pa zbuluar barkun, ndërsa mbante veshur një xhaketë me emrin Iglesias, nga turneu i këngëtarit.
Prindërit e rinj u lidhën që nga viti 2001, pasi u takuan në xhirimet e videoklipit të këngës spanjolle “Escape”, por raportohet se nuk janë martuar.
Anna dhe Enrique janë shumë të fshehtë për marrëdhënien e tyre dhe nuk janë parë së bashku në publik për gati një vit.
Dyshja është shprehur më herët lidhur me martesën se nuk kanë pasur arsye të nxitojnë dhe nuk kishin plan të afërt një të tillë.
Enrique pohoi se ata jetojnë tashmë jetën e një çifti të martuar në shumë mënyra.
“Ne jemi po aq të lumtur. Ka një pikë kur je me dikë për një kohë të caktuar që unë besoj se jemi si të martuar. Mendoj se dallimi i vetëm është se ne nuk kemi ecur bashkë drejt altarit”, tha Enrique për “The Sun”.
Burimi: Daily Mail
