Këngëtarit Kastro Zizos iu refuzua pjesëmarrja në Festivalin e RTSH-së dhe fillimisht u përfol se arsyeja lidhej me tekstin e këngës.
Por në fakt Kastro është shprehur se as ai vetë nuk e di arsyen e vërtetë.
“Nuk më tha njeri mua që “ti nuk je pranuar në këtë festival, për një arsye apo një tjetër”, tha Kastro.
I ftuar në “Top Show Magazine” ai ka rrëfyer se nuk mori pas asnjë shpjegim, se përse ja refuzuan këngën dhe akuzoi për amatorizëm organizatorët e festivalit.
“Këta janë mësuar me klisherat aty! Janë mësuar me 2 milionë e 800 mijë lekë që e kanë këtë vit të marrin aty. Janë pazarxhinj të vegjël! Janë zarfaxhinj të vegjël! Këta nuk paguajnë dritat dhe presin t’i marrin lekët e dritave aty në fund të festivalit. Të kapin ndonjë kaposh! Këta po e përdhosin artin! Kanë 27 vjet të mallkuarit”, u shpreh ai tejet i nxehur.
