Vendin e njeriut më të pasur në botë, e ka zënë drejtuesi i dyqanit më të madh online, “Amazon”. Në renditjen e fundit të revistës “Forbes”, Bezos klasifikohet si njeriu më i pasur në botë. Pasuria e tij përllogaritet në 90.6 miliardë dollarë. Aksionet e Amazon.com u rritën me 1.8% mëngjesin e të enjtes në Nju Jork, duke e çuar pasurinë personale të Bezos në afro 91 miliardë dollarë.
Pas shumë vitesh në majën e miliarderëve, Bill Gates tashme duhet t’i lerë vendin e tij Bezos.
Lista e pasanikëve të globit ka të tjerë emra të njohur.
Në vend të tretë është sipërmarrësi spanjoll Amancio Ortega, i Zara-s. Pas tij vjen një tjetër amerikan i njohur, Warren Buet. Ndërsa i fundit në listën e 5 më të pasurve është themeluesi i “Facebook”, Mark Zuckerberg. Ajo që vihet re është se në listën e 5 më të pasurve, 3 prej tyre janë inovatorë në teknologji, çka sipas ekspertëve të financave përcakton edhe të ardhmen e më të pasurve në botë.
