Në një takim me të rinjtë e Lezhës, kryeministri Edi Rama ka ndarë me ta këshillën që i ka dhënë vajzës së Lindës, Reas, pasi mbaroi studimet.
Ashtu si pjesa më e madhe e prindërve shqiptarë, edhe kryeministri i tha Reas se ‘duhet të dilte mbi ujë me forcat e veta’. Rea ka studiuar për arkitekturë jashtë Shqipërisë dhe është e vetme përballë vështirësive të profesionit të saj.
“Ne kemi gocën arkitekte dhe ka studiuar jashtë dhe i kemi thënë që në fillim ‘harroje shtetin dhe shiko të ushtrosh profesionin dhe të dalësh mbi ujë me forcat e tua’.”
Si gjithë të rinjtë e tjerë që shkollohen jashtë, edhe vajza e Linda Ramës ka provuar punë të ndryshme, derisa është profilizuar në profesionin e saj.
“Për një periudhë kohe punoi asistente në një kantier. Pastaj ka hapur një studio të vetën të vogël. Është profesion i jashtëzakonshëm, por ka shumë konkurrencë dhe do shumë kurajo. Po ku është kollaj? Asgjëkund.”, shkruan Newsbomb.
