Nuk mund ta përgjithësojmë, por shumë prej nesh kur dalim para pasqyrës mendojmë sikur të kishim diçka ndryshe në paraqitjen tonë. Këngëtarja që na përfaqësoi në “Eurovision”, Lindita Halimi, duket se e ka një “kompleks” me fizikun e saj.
Pas rënies drastike në peshë dhe formimit të një trupi ideal të tonifikuar, Lindita ka një pakënaqësi me trupin e saj të cilin nuk mundet ta ndryshojë, përveç se me “Photoshop”. Dhe po flasim për gjatësinë!
Nëse nuk e kishit dalluar më herët, fotografia që publikoi në tapetin e kuq të “Eurovision”-it dëshmoi qartë këtë fakt.
Fotografia origjinale që u publikua nga media e festivalit të këngës dhe ajo e publikuar më vonë nga këngëtarja tregojnë dukshëm diferencën e gjatësisë dhe hollimit jo vetëm të këngëtares, por edhe ekipit të saj që e shoqëronte.
Edhe në fotografitë e publikuara më parë në profilin zyrtar të “Instagram”-it të Linditës dallohet editimi i fotografive.
Burimi: ICONstyle.al
