Kryebashkiakia e Shkodrës, Voltana Ademi ka rezultuar pozitive me koronavirus.
Mediat shkruajnë se Ademi ka realizuar tamponin ditën e djeshme dhe ka marrë përgjigjen sot, se ka qenë e infektuar me COVID-19.
Shenja e parë që ka pasur kryebashkiakja ka qenë temperatura. Ademi ka qenë me temperaturë 37.5 gradë prej ditës së djeshme, ndërsa nuk është paraqitur në zyrë prej një jave.
Nuk dihet saktësisht se ku është infektuar, por dyshohet se të ketë rënë në kontakt me virusin gjatë takimeve me qytetarët.
Pas konfirmimit Ademi është karantinuar ndërsa pritet testimi i personave të tjerë, me të cilët ka patur kontakt.
Në Shkodër numërohen rreth 376 raste aktive me virus.
/Iconstyle.al
