Të gjithëve na ka ndodhur të paktën një herë që rrobat tona më të bukura të bëhen pis me grimin tonë. Kur kemi përqafuar një mikeshën tonë, kur kemi veshur bluzën pasi jemi grimuar apo dhe në situata të tjera grimcat e pudrës kanë rënë mbi veshjet tona duke na shkaktuar njolla që nuk i heqim dot.
Mos u shqetësoni më sepse ekziston një truk me të cilin këto njolla nuk do të bëjnë më problem për ne.
Na nevojitet vetëm një shkumë rroje dhe rezultati do të jetë magjik. Hedhim një sasi të vogël shumë rroje mbi njollë dhe e fërkojmë. E lëmë të qëndrojë disa minuta dhe më pas i lajm veshjet tona në lavatriçe apo me dorë. Që pas larjes së parë njollat do të zhduken.
