Italia vazhdon të qëndrojë në vendin e parë si shteti me bilancin më të frikshëm të Covid-19.
Numri i të prekurve dhe viktimave vazhdon të rritet ndjeshëm nga dita në ditë dhe situata është bërë e papërballueshme.
Në komunikimin e përditshëm, autoritetet italiane njoftuan se janë shënuar 837 viktima vetëm 24 orët e fundit, duke e rritur sërish numrin e tyre nga dita e djeshme.
Në total, numri i viktimave nga COVID-19 ka shkuar në 12,428 dhe 4,023 prej të infektuarve janë në gjendje kritike.
Gjithashtu, Italia numëron deri tani 105,792 persona të infektuar.
Qyteti më problematik vazhdon të jetë Lombardia dhe aty është shënuar numri më i lartë i vdekjeve.
