Aktori i njohur Robert De Niro humbi tragjikisht nipin 20-vjeçar, Leandro De Niro Rodriguez. Lajmi u përhap në gjithë botën, e mesazhet e ngushëllimit erdhën nga të gjithë, fansa dhe kolegë. Ai ka reaguar me anë të një deklarate të publikuar nga Los Angeles Times duke shprehur këto fjalë:
‘Jam i pikëlluar për vdekjen e nipit tim të dashur Leo. I vlerësojmë shumë njerëzit që shprehën ngushëllimet e tyre. Ne po kërkojmë privatësi për të mbajtur zi për Leon’
Vajza e tij, Drena tregoi se djali i saj vdiq nga droga që dikush i shiti, e cila përmbante fentanil.
‘Dikush i ka shitur pilula me fentanil, pilula që e dinin se ishin drogë, por gjithsesi ia shitën. Për të gjithë këta njerëz që ende ankohen për shitjen dhe blerjen e këtyre llojeve të drogës, djali im është zhdukur përgjithmonë.’
Kujtojmë se Drena është vajza e adoptuar e De Niros nga martesa e tij me aktoren Diane Abbott.
