Ajo solli në jetë në Ohio dy muaj më parë, vogëlushen True Thompson. Dhe ditën e sotme, Khloe Kardashian festoi dy muajt e ëmbël me një foto të adhurueshme të vajzës True, nga lidhja e saj me basketbollistin e “Cleveland Cavaliers” Tristan Thompson.
33-vjeçarja shfaqet duke përkëdhelur vajzën, e cila ishte veshur me një bluzë ngjyrë rozë dhe në kokë mbante një kordele të të njëjtës ngjyrë. Fansat e saj nuk lanë pa komentuar faktin se vogëlushja është kopja identike e të atit Tristan Thompson.
Edhe përse është nënë e re, Khloe Kardashian nuk ka hequr dorë në asnjë moment nga stërvitja për të rikthyer trupin në formë.
“Ndjehem shumë mirë se jam rikthyer në palestër me trajnerin tim. Jam shumë e motivuar për të risjellë trupin tim në formë sërish” – tregoi Khloe Kardashian.
Khloe dhe Tristan, së bashku me vogëlushen True do të zhvendosen në Los Angeles, pranë familjes Kardashian.
