Ditët e fundit vendi jonë është pushtuar nga i nxehti afrikan. Temperaturat kanë kapur shifrat maksimale dhe thuajse në çdo moment të ditës ajri është i nxehtë.
Ditën e sotme dielli ka qenë i fortë që në orët e para dhe pritet që gjatë ditës temperaturat të shkojnë deri në 38 gradë celsius.
Kjo situatë ka shqetësuar Institutin e Shëndetit Publik, të cilët ju bëjnë apel të gjithë qytetarëve të bëjnë shumë kujdes.
Më shumë kujdes duhet të bëjë mosha e tretë dhe fëmijët, të cilët janë më të ndjeshëm ndaj temperaturave të larta.
Për t’ju ardhur në ndihmë qytetarëve ISHP ka publikuar disa këshilla për njerëzit që duhet të bëjnë më shumë kujdes.
Këshilla për moshën e tretë:
1.Personat e moshuar nuk duhet të ekspozohen në rrezet e diellit në intervalin kohor prej orës 10.00-17.00, sidomos ata me sëmundje të zemrës ose ata me diabet.
2.Gjatë daljes nga shtëpia të moshuarit detyrimisht duhet ta mbrojnë kokën me kapelë ose shall, rrobat duhet të jenë të holla, komode, lino ose pambuku dhe me ngjyra të hapura.
3.Është e domosdoshme marrja e 2 litrave lëngje gjatë ditës, 8 gota ujë ose në formë supe ose çaji. Duhet anashkaluar ushqimin e fërguar ose të ëmbël, duhet marrë shumë fruta natyrale.
4.Përveç këshillave të marra nga mjeku për përdorimin e barnave, tek të moshuarit është e domosdoshme matja më e shpeshtë e tensionit arterial
5.Dhembjet e kokës, marramendja dhe dehidrimi, tharja e gojës dhe lëkurës, janë shenja alarmante për të moshuarin, sidomos kur është i sëmurë dhe ka paaftësi funksionale. Atëherë duhet të lajmërohet mjeku i tij familjes.
6.Më e rëndësishmja është mirëmbajtja e higjienës personale dhe asaj të ambientit të të moshuarit, si dhe mbikëqyrja e përdorimit të barnave në mënyrë të rregullt.
7.Është i domosdoshëm aktiviteti fizik dhe psikik i të moshuarit, sidomos ecja e vazhdueshme në orët e para të mëngjesit ose në mbrëmje, qëndrimi sa më i gjatë në natyrë (park, shëtitore etj).
8.Nëse i moshuari ka vështirësi për të lëvizur për shkak të pamjaftueshmërive funksionale, atëherë duhet bërë ajrosjen shumë orëshe e hapësirave ku qëndron i moshuari.
Këshilla për fëmijët:
1.Mos ekspozoni fëmijët në diell deri në moshën gjashtë muaj
2.Përdorni kapelë me strehë të gjerë për të gjitha moshat
3.U lagni flokët shpesh
4.U vini syze dielli me filtra të veçantë mbrojtjeje, të certifikuar me markën CE
5.Përdorni produkte për fëmijë me faktorë mbrojtës jo më pak se 20, dhe në javën e parë të ekspozimit në diell përdorni produkte rezistente ndaj ujit dhe djersës me faktor mbrojtës jo më pak se 50
6.U vishni rroba të gjera prej pambuku ose liri
