Shawn Mendes më në fund e pranoi, atë çfarë na kishte torturuar për muaj me rradhë! Ai dhe Hailey Baldwin, ishin në një lidhje dashurie në fillim të vitit 2018 dhe përkëdheljet në mbrëmjen e Met Gala-së nuk ishin thjesht shoqërore.
Në një intervistë për “Rolling Stone”, këngëtari i hitit “Lost in Japan” pa dashur t’i vendosë një lidhje marrëdhënies, tregon se gjërat mes tyre ishin shumë konfuze.
“Lidhjes time me Hailey-n nuk dua t’i vendos një emër. Gjithçka ishte shumë rrëmujë dhe konfuze” – u shpreh Mendes.
Mirëpo, një muaj pasi Shawn dhe Hailey u panë së bashku në Met Gala, Justin Bieber i propozoi për martesë supermodeles.
Kjo e fundit, veprimin e parë që bëri pas fejesës, ishte të hiqte nga ndjekësit në “Instagram” Shawn Mendes. Madje, këngëtari është ende i shokuar nga ky veprim i saj.
“Se kuptoj, përse. Unë i kam dërguar mesazh kur e mora vesh lajmin e fejesës dhe i tregova se jam shumë i lumtur për ta. Ajo sërish është një ndër personat më të paparë që unë njoh. Ajo nuk është e bukur vetëm nga pamja e jashtme, por është një ndër personat me zemrën më të madhe që kam takuar në jetën time.” –u shpreh Shawn Mendes.
Gjithsesi, këngëtari nuk e zbuloi se përse lidhja e tyre mori fund, madje na futi edhe më shumë në mendime pas kësaj fjalie: “Unë mendoj që jam një idiot… Por, zemrën nuk e kontrollojmë dot”.
2018 ka qënë një vit shumë emocionues për Hailey-n, e cila u fejua dhe u martua me këngëtarin kanadez Justin Bieber në një periudhë shumë të shkurtër!
