Jemi në verë, temperaturat e larta dhe plazhi janë disa nga karakteristikat e sezonit. Ndërsa pushimet janë shumë pranë, një fenomen duket se përfshinë çdo zyrë dhe punonjës.
Debatet janë pjesë e përditshmërisë së çdokujt që është në marrëdhënie pune. Mund të ndodhin për arsye nga më të ndryshmet që lidhen me cilësinë e punës, korrektësIn, vonesat në orar, etj., por kur vjen vera gjërat ndryshojnë.
Arsyen e zënkave mes kolegëve na e zbulon studimi i ndërmarrë nga “Found”, ku u monitoruan 2.500 punonjës të të dyja gjinive midis moshës 25-65 vjeç.
Sipas studimit të kryer nga Dr. Boris Kingma, nga Mastricht University Medical Centre, arsyeja e rritjes së debateve në zyrën e punës lidhet me ndryshimet e temperaturës së kondicionerit.
Ato që e vuajnë më shumë këtë problem janë femrat, ku gati 75% e tyre ankoheshin për temperaturat e ulëta.
Por pse ndodh kjo?
Meshkujt kanë një masë muskulare më të madhe që gjeneron ngrohtësi, kurse masa trupore e femrave është më pak aktive dhe gjeneron të ftohtë. Si rrjedhojë ato janë më të predispozuara të ndjejnë të ftohtë më shumë se meshkujt. Një tjetër rezultat interesant i këtij studimi tregoi se femrat që përdorin vazhdimisht kontraceptivë kishin më ftohtë se femrat që nuk i përdornin ato. Hormonet e gjendur në këto pilula ndikojnë në temperaturën e trupit, duke e bërë atë më të ndjeshëm ndaj të ftohtit.
