Kim Kardashian dhe Pete Davidson tashmë janë ndarë. Së fundmi, disa foto të Pete janë publikuar kudo, ku ai shihet mjaft i dëshpëruar.
Humoristi i njohur është parë së fundmi në një dyqan “Target” në Cairns Central Mall në Cairns, Australi.
Ai u fotografua pasi doli nga hoteli.
Ai u pa në një gjëndje jo të mirë dhe Pete kishte vendosur syze dielli.
“Ndarja e tyre ishte krejtësisht miqësore. Ata kaluan shumë mirë gjatë kohës që zgjati, por distanca të gjata dhe prioritetet e ndryshme panë që ajo të mbaronte”, thekson një burim “Daily Mail”.
Saga mes Pete Davidson, Kim Kardashian dhe Kanye West ka marrë një kthesë të re me Davidson që thuhet se po kërkon terapi për të përballuar abuzimin në internet që i është bërë nga ish-bashkëshorti i Kim.
Çështjet nisën kur Davidson filloi të takohej me Kardashian, pas divorcit të saj nga West. Edhe pse shumë menduan se Pete po e merrte sjelljen e reperit si diçka pa rëndësi, burime pranë Pete zbulojnë se ai vërtet po kërkon ndihmë.
Sipas People, në prill, Pete “ka qenë në terapi traumatike” për shkak të postimeve shqetësuese të ëest.
“Vëmendja dhe negativiteti që vijnë nga Kanye dhe veprimet e tij janë një shqetësim për Pete dhe atij i është dashur të kërkojë ndihmë,” i tha revistës People një person i brendshëm i afërt me Davidson.
Burimi shtoi gjithashtu se Davidson “nuk është penduar për lidhjen me Kim dhe dëshiron që të bëhet shumë e qartë se ajo nuk ka qenë gjë tjetër veçse e ka mbështetur atë gjatë gjithë marrëdhënies së tyre”.
Burimi tha se duke ecur përpara dhe pas ndarjes nga Kardashian, Davidson do të fokusohet në karrierën e tij.
U tha gjithashtu se kërkimi i terapisë së traumës nga Davidson gjithashtu nuk luajti asnjë rol në ndarjen e tyre. Arsyeja kryesore për ndarjen e çiftit ishin oraret e tyre të zëna dhe marrëdhënia në distancë.
“Një pjesë e arsyes që ata u ndanë ishte për shkak të orarit të tyre të ngjeshur”, tha një burim i brendshëm për People. “Ata të dy udhëtojnë gjatë gjithë kohës dhe ishte e vështirë.”
