Mund të imagjinoni një Titanik pa Kate Winslet si Rose? Asnjëherë! Në fakt kjo gjë për pak ndodhi.
Kate, e cila ishte një aktore e panjohur në atë kohë, duhet të shkonte deri në ekstrem për të bindur regjisorin e filmit, James Cameron, që t’i jepte asaj rolin. Por ne të gjithë jemi të lumtur që funksionoi në fund.
Kthehemi pas kur Titaniku po bënte përzgjedhjen e kastit në 1996. Winslet, e cila është tashmë një aktore me shumë çmime, ishte në hapat e para të karrierës pasi kishte qenë në ekranin e Hollywood-it vetëm për pak vite. Ajo vërtetë duhet të punonte shumë për “ta hipur në varkë” Cameron me idenë e luajtjes nga ajo të rolit të Rose DeWitt Bukater.
Në 1998 në një intervistë për revistën “Rolling Stone”, Winslet shpjegoi se pasi lexoi skenarin e Titanikut, “Unë mbylla shkrimin, u përmbyta në lot dhe thash, “Në rregull, unë absolutisht duhet të jem pjesë e kësaj. Nuk ka dy mënyra në lidhje me këtë”.
Ajo mori numrin e James Cameron nga agjenti i saj dhe më pas i telefonoi regjisorit në telefonin e tij të makinës. “Ai ishte në autostradë dhe tha, “Unë po shkoj diku”. Dhe unë mendoj se i thash, “Unë thjesht duhet ta bëj këtë dhe ti je vërtetë i çmendur nëse nuk më provon mua”.
Kjo funksionoi dhe ajo mori pjesë në audicion. Tre ditë pasi i tregoi Cameron se për çfarë e kishte fjalën, ajo i dërgoi atij një tufë me trëndafila me një mbishkrim: “Nga Rose-a jote”. Ajo mori pjesë në kast disa ditë më vonë dhe pjesa tjetër është histori.
“James mori një risk duke më përfshirë mua në kast. Shumë nga bashkëkohësit e mi – Uma Thurman, Gwyneth Paltrow, Winona Ryder – ishin kandidate më të pëlqyera. Unë isha me fat”, është shprehur së fundmi Kate.
Burimi: Harper’s Bazaar
