Zgjedhja e partnerit shpesh duket e lehtë në fillim, kur gjithçka dominohet nga emocionet dhe idealizimi. Por me kalimin e kohës, në situata të zakonshme dhe biseda të përditshme, dalin në pah tiparet reale të karakterit dhe qëndrueshmërisë emocionale. Sipas psikologëve, një mënyrë e thjeshtë për ta kuptuar këtë është të vëzhgoni reagimet ndaj mendimeve të ndryshme.
Psikiatri austriak Sigmund Freud sugjeronte një qasje të drejtpërdrejtë: shprehni një mendim që bie ndesh me të tijin dhe shihni si reagon. Nëse partneri bëhet nervoz, ngrit zërin apo kalon në sulm, kjo mund të tregojë brishtësi emocionale dhe vështirësi në menaxhimin e konfliktit. Në të kundërt, një reagim i qetë, i hapur për diskutim dhe mirëkuptim tregon pjekuri dhe stabilitet.
Ekspertët theksojnë se një partner emocionalisht i paqëndrueshëm shpesh shmang konfliktet, ka vështirësi në komunikim, humb durimin shpejt dhe nuk merr përgjegjësi në marrëdhënie. Këto sjellje mund të krijojnë tension dhe të dëmtojnë lidhjen në afat të gjatë.
Nga ana tjetër, marrëdhëniet e shëndetshme kërkojnë më shumë se ndjenja: ato bazohen në aftësinë për të përballuar vështirësitë, për të komunikuar hapur dhe për të ndërtuar besim. Një partner i fortë emocionalisht nuk është ai që nuk ndjen, por ai që di t’i menaxhojë ndjenjat dhe t’i shprehë në mënyrë të balancuar.
