Po planifikoni një udhëtim 7 apo 10-ditor? Ato që ju duhen janë 2-3 veshje për një ditë, të gjitha këto brenda një valixheje të mesme. Sa mirë do jetë të arrini në destinacionin tuaj, teksa i keni të planifikuara veshjet dhe të dukeni të përkryera, duke mos harruar artikujt dhe duke mos krijuar shumë hapësirë për rrobat të cilat mund të jenë vetëm një ngarkesë. Sa bukur do ishte 48-orëshi para udhëtimit, ku mund t’i japim vetes një dhuratë, një shëtitje të qetë jashtë në qytet! Hyjnore. Ja se çfarë na duhet ..
Është e kuptueshme që shumica e udhëtarëve janë fajtorë për rregullin 80/20. Ne veshim 20% të rrobave që kemi marrë me vete dhe 80% janë vetëm ngarkesë. Përse mbingarkohemi gjithmonë!? Kjo vjen sepse ne presim deri në momentin e fundit, më saktë një natë para për t’i mbledhur rrobat dhe për t’i paketuar në valixhe. Për të shmangur stresin para udhëtimit, vendosni rregull.
Ndiqni këto pika për të mos e tepruar me paketimin:
Rrini tek veshjet neutrale! Mund t’i shtoni një vezullim veshjes tuaj me një bizhuteri ose me një shall veror.
Përdorni copa të gjithanshme që bëjnë punë të dyfishtë. Shkon mirë një tunikë që e hedh sipër gjatë ditës dhe darkës. Kombinohet me xhinse të bardha.
Copat që kanë nevojë për shumë mirëmbajtje, janë lini dhe mëndafshi sepse duhet të hekurosen (rrudhosen në valixhe).
Dhe këtu është një rregull; jo më shumë se 3 palë këpucë! Ato janë të rënda dhe zënë shumë hapësirë në valixhe.
Fillonin me elementet bazë!
Të “domosdoshmet” tuaja ndryshojnë në varësi të destinacionit ku do pushoni. Mendoni se ku jeni duke shkuar dhe çfarë do bëni atje, atëherë i bie që 3-5 artikuj janë shumë të nevojshëm.
Mundohuni të jeni sa më të kursyera që të jetë e mundur. Për në plazh ju mjafton të kufizoheni në 3 aspekte:
Bukuri: Minimale në departamentin e bukurisë. Krem kundër diellit, krem pas plazhit për trupin dhe fytyrën.
Aksesorë: Dielli do ju flakërojë, kështu syzet e diellit janë në krye të listës.
Veshje: Bikinit. Për shkak se shumicën e kohës do jeni në plazhe, në det apo pishina apo edhe gjatë qëndrimit në shezllong nuk bëni dot pa to.
Planifikoni veshjet tuaja!
Për kombinim gjatë paradites dhe mbrëmjes, paketoni një palë xhinse të bardha, xhinse të shkurtra, fund të bardhë dhe një kanotiere të bardhë. Këto janë pjesë neutrale dhe do bëjnë që ngjyra e trupit tuaj të bjerë në sy. Në fund vendosi një aksesor të madh në qafë ose një shall plot me ngjyra. Mbani këpucë në ngjyrë nude, (shapka për paradite dhe një palë sandale me platformë darkave). Kështu veshja nuk do konkurrojë me ngjyrën tuaj që sapo e keni marrë nga plazhi . Tunika dhe kaftani kombinohet shumë bukur me një fund të bardhë dhe bluzë të bardhë të thjeshtë lart për t’u dukur dhe trendi. Mbani një çantë të vogël për të krijuar një pamje të veçantë natën.
Mos harroni fustanin e bardhë! Qëndroni tek një paletë e caktuar e ngjyrave e jo më shumë se 3 lloje nuancash. Kjo do ju lehtësojë kombinimin.
Ja çfarë duhet të keni brenda në valixhe:
3 palë rroba banjo, nëqoftëse ato janë të ndara, sigurohuni që pjesa e poshtme të koordinohet me të sipërmen në mënyrë që të keni më shumë opsione për t’i kombinuar .
2 tunika ose 2 kaftanë që do shërbejnë si mbulim ditën dhe në muzg.
4-10 palë mbathje dhe 2-3 palë reçipeta, (sigurohuni nëse do ketë lavatriçe në hotel).
Pizhama
2-5 palë pantallona të shkurtra për palestër (nëqoftëse e keni ndërmend të ushtroheni).
2 bluza të thjeshta (e bardha është gjithmonë zgjedhje fantastike).
2 bluza për në darkë (një këmishë liri dhe një me rripa të hollë).
Një palë pantallona të shkurtra, mundësisht xhinse.
Një fund të shkurtër.
Xhinse të bardha.
Triko të hollë ose xhaketë.
Shall.
1 palë shapka.
1 palë atlete.
1 palë sandale me platformë.
Një aksesor për qafën.
Një palë vëthë ngjyrë gold.
Një kapelë “floppy” që e mbani jashtë valixhes tuaj.
Çantën e tualeteve dhe sendeve që ju duhen.
Kontrolloni për të parë nëse hoteli juaj ofron tharëse flokësh.
*Publikuar në revistën “ICON” nr. 4
