Shkruan historinë! Loreen nga Suedia është gruaja e parë që fitoi dy herë Eurovision-in

Loreen e Suedisë është shpallur fituese e Eurovision Song Contest në Liverpool.

Këngëtarja, e cila triumfoi më parë në vitin 2012, hyri në histori si gruaja e parë dhe personi i dytë, që fitoi dy herë konkursin.

Lexo edhe :

Përplasen 2 automjete në Rrugën e Kombit, 2 të vdekur dhe 5 të plagosur

15:24 17/04/26

Masakra në shkollën në Kahramanmaraş/ 14-vjeçari hapi zjarr në klasë, 9 të vrarë, nxënësja rrëfen tmerrin: “Nuk keni shpëtim”

14:36 17/04/26

Ajo mblodhi gjithsej 583 pikë pasi u bashkuan votat e publikut dhe jurisë, duke mposhtur ngushtë Finlandën, e cila mblodhi plot 526 pikë.

Pasi u shpall fituese në “M&S Bank Arena”, Loreen u rikthye në skenë dhe iu dorëzua trofeu nga fituesit e vitit të kaluar, grupi Kalush Orchestra nga Ukraina.

“Jam shumë e lumtur dhe u jam mirënjohëse”, tha ajo pasi pranoi çmimin.

Teksa iu drejtua turmës, ajo shtoi: “Faleminderit për këtë, kjo është për ju”.

Fitorja e saj do të thotë se barazohet me rekordin e mbajtur nga këngëtari irlandez, Johnny Logan, i cili triumfoi në konkurs në 1980 dhe 1987.

Shqipëria ndërkaq u rendit në vendin e 22-të në Eurovision me gjithsej 76 vota.