Shën Valentini është vetëm 2 ditë larg dhe nëse do e festoni kjo është një shenjë e mirë për ju.
Të gjithë të dashuruarit do të kenë mundësinë të kalojnë momente romantike me partnerin, të bëjnë dhurata luksoze apo edhe simbolike.
Nëse do ju duhet diçka edhe më speciale, këta artistë shqiptarë kanë menduar për ju!
Mozzik, Capital T, Ronela Hajati e disa të tjerë kanë përgatitur projekte muzikore që do i publikojnë në ditën e të dashuruarve.
Më poshtë mund t’i shihni dhe të zgjidhni kolonën tuaj zanore për atë ditë.
Capital T do të publikojë këngën “Je T’aime” dhe klipin e ka xhiruar në Paris.
Ronela Hajati ka bërë të ditur se për Shën Valentin sjell dy këngë të reja, “Gënjeshtar je” dhe “Pare”.
Më 14 shkurt nuk mund të mungonte një këngë nga Alban Skënderaj. Artisti nuk e ka zbuluar titullin, por me siguri do të na pëlqejë shumë.
Edhe reperi Mozzik, pritet që projektin e radhës ta publikojë më 14 shkurt, nga fotoja që ka publikuar në Instagram, duket se do të kemi një këngë për ndarjen.
Projekt surprizë për këtë Shën Valentin, do të jetë ai i Niki Delijorgjit dhe Alban Ramosajt. Me një foto nga shtrati ata lajmëruan se më 14 shkurt do të publikojnë një surprizë.
