Parakalimi në tapetin e kuq është emblema e çdo ceremonie të ndarjes së çmimeve apo eventi ku marrin pjesë emrat më të njohur. Mbrëmjen e së dielës u zhvillua edicioni i 90-të i “Oscar”, ku parakaluan personazhet më të dashur të “Hollywood”-it.
Totali i buxhetit për organizimin e ceremonisë ishte rreth 42 milionë dollarë, ndërsa tapeti i kuq, i gjatë rreth 150 metra, kushtoi rreth 360 mijë dollarë.
Gjithashtu, kujtojmë se “Dolby Theatre” paguan rreth 2 milionë dollarë, për të pritur çmimet “Oscars”. Edhe statuja “Oscar”, që jepet për fituesit, peshon disi më pak se 4 kg, ndërsa kushton rreth 500 mijë dollarë.
5 gjërat që duhet të dini për tapetin e kuq të “Oscars”:
1.
Bëhet në Gjeorgji, që prej vitit 2008.
2.
Nuk është në fakt i kuq, i afrohet më shumë vishnjës në nuancë kafe.
3.
Vendosja e tij kërkon 18 punonjës dhe rreth 900 orë.
4.
Nuk është aq i vjetër sa mendoni. Për herë të parë nisi si treditë në 1961-shin. Mbrëmë ishte parakalimi i 56-të.
5.
Nuk ripërdoret kurrë, ai shkatërrohet menjëherë pas ceremonisë.
Burimi: Curbed
