Dafina Zeqiri prej disa kohësh është vendosur në SHBA, ku po punon për të qenë pjesë e tregut ndërkombëtar. Zhvendosja drejt Amerikës e ka ndihmuar këngëtaren shqiptare që të jetë edhe më pranë të dashurit të saj Jose, me të cilin ka një lidhje disa vjeçare.
Dafina ka preferuar që lidhjen e saj ta mbaj larg vëmendjes mediatike, por sot me sa duket ka bërë një përjashtim. Ajo ka postuar në “Instastory” një foto ku shfaqet krah të dashurit të saj Jose.
“Te Amo, Të dua!”- shkruan Duffi tek fotoja ku shfaqet e ulur në prehrin e të dashurit të saj.
Me sa duket dashuria e këngëtares për partnerin e saj spanjoll është aq e madhe saqë ka vendosur ta bëjë publike për të gjithë ndjekësit e saj. Fansat e Dafinës e kanë pëlqyer shumë këtë gjest të këngëtares dhe e kanë shpërndarë me shpejtësi këtë foto të ëmbël të çiftit.
