Ndarja e çmimeve “Oscar” na mbërtheu të gjithëve para ekranit mbrëmjen e djeshme. Për të dytin vit radhazi në “Top Channel” u zhvillua emisioni “Oscar on Top”, duke nisur transmetimin që prej orës 23:00 deri në orët e para të mëngjesit.
Prezantuesja e njohur shqiptare Jonida Vokshi ishte një ndër personazhet që e ka ndjekur këtë mbrëmje gala nga ekrani televiziv dhe ka bërë edhe një koment për Lori Hoxhën, e cila ishte e pranishme në studion e “Top Channel”, ku dha mendimin e saj për shumë prej aktorëve të famshëm që u vlerësuan me çmime.
“Duke shijuar thjeshtësinë tënde”, ka shkruar Jonida në foton e publikuar në “Instastory” ku shfaqet Lori.
Blogerja e njohur shkëlqeu në “Oscar on Top”, jo vetëm me pamjen e saj, por edhe me komentet që bënte për kandidaturat fituese, filmat dhe mënyrën se si ishin veshur personazhet pjesëmarrëse në “Oscar 2018”.
