Justin Bieber u përfshi në një sherr me njerëz të panjohur, por këtë herë mund të cilësohet si akt heroik.
Në një festë të organizuar nga Patrick Schwarzenneger, pas festivalit të “Coachella”-s, këngëtari kanadez goditi me grushte një person të dehur.
Personi i paidentifikuar, u pa nga këngëtari duke kapur për fyti dhe duke kërcënuar një vajzë, në dukje ish të dashurën e tij. Justin është përpjekur të qetësojë situatën duke i kërkuar personit të bisedonin, por ky i fundit është bërë agresiv.
Më pas Bieber e ka goditur me grusht në fytyrë, që të lëshonte vajzën. Personi i dehur u arrestua pas ngjarjes, ndërsa Justin Bieber u shndërrua në hero.
Burimi: Daily Mail
