Një parfum tregon shumë për karakterin dhe temperamentin e një femre, kështu që zgjedhja e tij nuk duhet neglizhuar. Në varësi të karakterit, zgjidhni aromat që ju përshtaten:
1.Për femrat e qeta
Nëse keni karakter të qetë dhe dëshironi që lëkura juaj të jetë e freskët, mund të përdorni aromat e lehta dhe me shije frutash. Ju dëshironi që parfumi të përthithet nga lëkura, të jetë pjesë juaja. Parfumet e përbëra nga lulet me aromë, si irisi, jasemini, qershia, livando janë zgjidhjet e duhura për ju!
2.Për femrat ëndërrimtare dhe romantike
Nëse keni karakter ëndërrimtar dhe romantik, dëshironi që parfumi të shërbejë si një mbulesë që ju mbështjell nën magjinë e një flladi pranveror. Aromat e ëmbla, sidomos ato pranverore, që frymëzojnë anën romantike, janë të duhurat për ju. Këto janë aromat që përmbajnë vanilje, trëndafil, myshk, bergamot apo portokall.
3.Për femrat sensuale
Nëse keni karakter misterioz dhe sensual, mendohet të keni personalitet të fortë. Jeni aventuriere dhe me temperament të zjarrtë, prandaj pëlqeni të bëni jetë të mbushur me aktivitete dhe gjallëri. Për ju ka vetëm një zgjedhje: parfume marramendëse me qelibar dhe aromat dehëse të çajit të gjelbër dhe bigarades së freskët dhe energjike.
