Ajo që është vënë re së fundmi është rënia drastike në peshë e Adele, falë trajnerit të saj Pete Geracimo. Adele ka ndjekur atë që quhet Dieta “Sirtfood”.
Madje ka zëra se këtë dietë po e ndjek edhe nusja e ardhshme në Britani, motra e Kate, Pippa Middleton. Vetë libri i kësaj diete është publikuar më 7 mars.
Por çfarë është dieta Sirtfood?
Ashtu siç thotë dhe emri i saj është e pasur me enzima Sirtuin, të cilat janë proteina me veti anti-plakje. Pjesa më e madhe e këtyre ushqimeve janë të bazuara tek bimët, përfshirë boronica, luleshtrydhe lakër, limon, kafe, hikërr, çaji jeshil matcha, dhe çokollata nëse përmban 85 % kakao të vërtetë.
Plani zyrtar i dietës ofron edhe ushqimin për klientët, por është e mundur dhe që të blesh produktet vetë në dyqan dhe ti gatuash. Vetë dieta ndahet në dy faza.
Faza e parë zgjat 7 ditë dhe nga dita e parë deri në të tretën ajo përmban tre lëngje jeshile dhe një vakt plot me sirtfood. Për këto tre ditë, duhet të merrni 1 mijë kalori në ditë. Më pas nga dita e katërt deri në të shtatën mund të konsumini dy lëngje jeshile dhe dy vakte në ditë.
Më pas vjen faza e dytë, e cila është 14 ditë dhe që të ndihmon “të humbni peshë në mënyrë të qëndrueshme”. Për të bërë këtë, keni 3 vakte të ndara të pasura me ‘sirtfood’ dhe një lëng jeshil në ditë, dhe kaloritë ditore që merrni janë 1.500.
Burimi: Daily Mail
