Kryeministri Edi Rama ka vlerësuar bilnacin e ulët të të prekurve ditorë me COVID-19 në vend dhe ka lajmëruar lehtësime të tjera në vijim.
Përmes një njoftimi në Instagram, kreu i qeverisë shprehet se e diela e sotme do të pasohet me lehtësime të vazhdueshme, por meraku më i madh janë sjelljet individuale.
Vetëdija njerëzore dhe qytetare e secilit prej nesh ka shumë rëndësi në ditët në vijim kur edhe lëvizja do të jetë më e lirë.
Sot është rritur me 6 numri i të infektuarve me koronavirus në Shqipëri duke e çuar numrin total të të infektuarve në 795.
Por ministria e Shëndetësisë njoftoi se 67 përqind e totalit të të prekurve janë të shëruar dhe se pjesa më e madhe e të infektuarve aktivë, po kurohen në shtëpitë e tyre.
Statusi i plotë i Ramës:
? KJO E DIELË E BUKUR me frymëmarrje më të qetë, do të pasohet nga lehtësime të vazhdueshme në vijim, POR MBETET MERAKU I MADH i sjelljes individuale sipas rregullave të mbrojtjes së shëndetit për veten, familjen, shoqërinë!
? Deri në daljen e vaksinës, e gjithë bota po shkon drejt një normaliteti të ri, me kufizime të arsyeshme që fillojnë nga VETËDIJA NJERËZORE E QYTETARE e secilit prej nesh.
? KEMI NJË BILANC FANTASTIK deri këtu, TË ARRITUR SË BASHKU dhe është e pajustifikueshme që të kthehemi mbrapsht, si pasojë e mungesës së vëmendjes ndaj shëndetit?
Kalofshi sa më mirë dhe më e mira do të bëhet, me durim, mirëkuptim, bashkëpunim, PËR FAMILJET TONA dhe PËR SHQIPËRINË??☀️
#SËBASHKU❤️??
