Niveli i Inteligjencës për vitin 2025 ka renditur në krye të listës shtetasit e Hong Kongut, me IQ 107.73, të ndjekur nga Korea e Jugut me IQ 106.97, Makao me 106.97, Kina me 106.48 dhe Japonia me nivel inteligjence të popullsisë në 106.30. Në këtë listë me të gjitha shtetet, Shqipëria renditet në vendin e 22, me nivel inteligjence në 101.00, duke lënë pas vetes Zvicrën, Gjeorgjinë, Holandën, Perunë apo Hungarinë, e po ashtu edhe Itali me 100.33.
Edhe më poshtë se shqiptarët renditen shtetasit e Serbisë, Greqisë, Kroacisë, Maqedonisë së Veriut dhe Malit të Zi. Konkretisht Serbia ka rezultuar me koeficient të nivelit të inteligjencës së popullsisë në 99.83, Greqia 99.55, Maqedonia e Veriut me 98.88 dhe Mali i Zi me 98.43.
Rezultatet e IQ-së, që tregojnë cilësinë arsimore dhe burimet në rajone, bazohen në teste standarde të përshtatura nga vlerësimet akademike kombëtare dhe konsideratat e cilësisë së të dhënave.
Ndërsa IQ është një masë e zakonshme e inteligjencës, metrika të tjera përfshijnë rezultatet e testeve akademike, Indeksin e Kapitalit të Inteligjencës dhe numrin e Çmimeve Nobel të fituara.
Të dhënat nga Testi Ndërkombëtar i IQ-së (IIT) bazohen në të dhënat nga 1,352,763 pjesëmarrës në të gjithë botën që kanë kryer të njëjtin test IQ në faqen e internetit në vitin 2024.
Indeksi i Kapitalit të Inteligjencës (ICI) u krijua nga ekonomisti Kai L. Chan dhe u përditësua së fundmi në vitin 2017.
Programi i OECD-së për Vlerësimin Ndërkombëtar të Studentëve (PISA) është një anketë trevjeçare e nxënësve 15-vjeçarë në të gjithë botën që mat aftësinë e nxënësve për të kujtuar njohuritë e mësuara dhe për t’i zbatuar ato në mjedise të reja si brenda ashtu edhe jashtë shkollës. Rezultatet e PISA-s u publikuan së fundmi në vitin 2022.
