Mediat greke kanë publikuar një video ku shfaqet Konstantinos Kacifa disa momente përpara se të qëllohej për vdekje nga efektivët e RENEA-s në fshatin Bularat të Gjirokastrës.
Në videon e bërë publike nga televizioni grek “Open”, 35-vjeçari shfaqet i veshur me uniformën ushtarake, teksa në duar mban një automatik.
Konstantinos Kacifa hap zjarr në drejtim të të automjetit të policisë në qendër të fshatit Bularat. Pamjet janë regjistruar me celular nga brenda lokalit të fshatit, ndërsa dëgjohen edhe disa të shtëna.
https://www.youtube.com/watch?v=VPIoUMtjcOc
Ngjarja:
Në prag të zhvillimit të festës së Greqisë, e cila si çdo vit u organizua edhe në qendër të fshatit Bularat në Gjirokastër, të shtëna me armë tronditën zonën. Paraditen e djeshme, Konstantinos Kacifa hapi zjarr ndaj efektivëve të policisë shqiptare me breshëri për më shumë se 30 minuta kur u rrethua nga RENEA.
35-vjeçari ishte pjesë e batalionit të Forcave Speciale të Forcës Tokësore, ndërsa pas lokalizimit nga policia në Bularat nuk iu bind urdhrit për të hedhur armën, por qëlloi në drejtim të uniformave blu dhe në këtë moment RENEA e ekzekutoi duke e qëlluar në kokë dhe në gjoks. Konstantinos Kacifa, minoritar me origjinë nga Bularati kishte hyrë në Shqipëri në datë 2 tetor, ndërsa në ditët e fundit kishte vendosur disa flamuj grekë në fshat.
