Performanca e Rashel Kolanecit dhe Seldit, ku shfaqej një princeshë mes kërcënimit të maskave, u komplimentua shumë nga Kledi Kadiu si dhe Valbona Selimllari.
Dhe Rashel për të treguar se ka kërcyer në shumë vështirësi, zbuloi takat shumë të larta me majë të hollë! Mirëpo ky veprim i saj jo vetëm që nuk u pëlqye nga Robert Aliaj, por ai shkoi më tej duke e cilësuar edhe si banal.
“Unë po iki, ku janë shkallët?” – tha Roberti dhe u zhduk nga transmetimi.
Pas ndërprerjes publicitare, Rashel sqaroi se u ndje shumë keq nga largimi i tij, sepse në asnjë moment nuk donte të ofendonte Robertin.
Ndërsa ky i fundit me tone më të qeta, u shpreh se e pëlqeu shumë Rashelin gjatë performancës por që spektakli duhet ruajtur nga banaliteti.
“Ruajeni show-n nga banaliteti, danci është element elegance. Unë isha happy, në një moment elegant, por ajo që ndodhi ofendon praninë time. S’e kisha me ty, ti fole për diçka të parëndësishme, por televizioni ka nevojë për elegancë… “ – u shpreh Robert Aliaj.
