Johnny Deep dhe bashkëshortja e tij, Amber Heard, u kthyen në qendër të vëmendjes këtë javë. Çifti shfaqet në një video, e cila u prezantua në një seancë gjyqësore në Australi.
Çifti i yjeve i kërkon publikisht falje këtij vendi, pasi bukuroshja 29-vjeçare, është shpallur fajtore, për futjen e paligjshme të dy qenve të saj në kontinent.
Bashkëshortja e Deep, akuzohej se kishte futur ilegalisht dy qentë e saj, një çështje që media e cilësoi si “lufta e terrierëve”, emër i vënë sipas racës që i përkisnin kafshët.
Amber doli përpara gjykatës së Gold Coast ditën e sotme dhe gjykatësi, i dha asaj një muaj sjellje korrektuese.
Ajo arriti të bëjë një marrëveshje me prokurorët për pranimin e fajësisë, për falsifikimin e dokumenteve në kufi dhe dënimi i saj nuk u regjistrua.
Nëse ajo do të shkelë një nga kushtet, ajo do të gjobitet, por aktualisht bukuroshja i ka shpëtuar regjistrimit kriminal.
Burimi: The Independent
