Të jesh pjesë e një prej familjeve më të respektuara në Britaninë e Madhe ka përfitimet e veta. Këto tre bionde janë mbesat e të ndjerës Lady Diana, vajzat e vëllait të Princeshës së Wellsit, Earl Spencer.
Ato tashmë janë rritur dhe shijojnë në maksimum rininë dhe jetën në mirëqenie.
Lady Kitty, 25 vjeç dhe dy motrat e saj binjake, Lady Eliza and Lady Amelia, 23-vjeçare janë rritur në Afrikën e Jugut, larg mediave duke shkuar në shkollat më të mira private të këtij vendi.
Por sot ato janë gjithmonë e më prezente në syrin e mediave, kjo nëpërmjet postimeve në rrjetet sociale, ku ato tregojnë jetën e tyre luksoze dhe udhëtimet e tyre të panumërta, në vende përrallore.
Edhe pse i ati i tyre, ka insistuar se të bijat janë rritur me këmbë në tokë dhe se ai i ka inkurajuar gjithmonë ato që të fillojnë punë, me një pasuri që llogaritet diku tek 100 milionë paund për familjen Spencer, duket se mbesat e Dianës nuk e kanë parë me përparësi që të gjejnë një mënyrë për të siguruar të ardhmen.
Burimi: Daily Mail
