Amazon në prodhimin e fundit: Maradona,Ëndërr e Bekuar, një serial i dedikuar gjeniut të futbollit ndërkombëtar, Diego Armando Maradona, ku ekipi Lazio-s quhet ‘fashist’.
Në skenën e parë mesa duket fiktive, e cila ka acaruar dhe ka ngjallur reagim nga drejtuesit e Lazios, Maradona mbledh shokët në fushë duke i mbajtur një fjalim para ndeshjes.
“Sot këto fashistët duan të na poshtërojnë. Na duan në gjunjë, në shtëpinë tonë dhe ne nuk do ta lejojmë këtë”, janë fjalët e Maradonës në film.
Ja reagimi i Lazio-s
Ne e lëmë publikun të gjykojë cilësinë e serialit “Maradona” të Amazon Prime. Sigurisht, megjithatë, mund t’i përkufizojmë si qesharake ato pak sekonda që kemi parë, në të cilat, në mënyrë krejtësisht arbitrare dhe të pamundur, fjalët që ai nuk do t’i kishte shqiptuar kurrë, i atribuohen kampionit argjentinas: “Ata fashistë duan të na poshtërojnë”.
Lazio në atë kohë sigurisht që nuk ishte në gjendjen ideale për të ndaluar një ekip që luftonte për Scudetton. E lëre më për ta poshtëruar. Dhe më pas referenca ndaj fashizmit, akoma më e urryer sepse evokohet me një qëllim të qartë shpifës. Me pak fjalë, ne kemi arritur në rezultatin e jashtëzakonshëm të fyerjes së një tifozërie dhe një klubi, duke devijuar nga realiteti dhe gjithashtu nga mendimi i vetë Maradonës, i cili në shumë raste është treguar mik i Layos: ishte mysafir në Formello, ai këndoi himnin tonë, ndërroi bluzat me lojtarët tanë.
Ne do t’i kërkojmë të drejtat tona ndaj Amazon Prime dhe autorëve, regjisorit dhe skenaristëve, duke kërkuar për aq sa na takon që një skenë sa e pamundur aq edhe e dhimbshme, e cila nuk ka respekt për Lazion dhe kujtimin e një kampioni të madh.
Trending Now
