Pavarësisht se sa person i mirë dhe bujar jeni, gjithmonë do të ketë dikush që do t’ju ketë zili. Shumicën e kohës zilia është e lehtë për t’u dalluar, por ndonjëherë ajo fshihet pas sjelljeve të fshehta miqësore. Lexoni më poshtë disa shenja që tradhtojnë ndjenjat e zilisë dhe ndonjëherë janë të vështira për t’u zbuluar.
Ata i karakterizojnë situatat si “të padrejta”
“Një mënyrë për të treguar nëse një person është xheloz apo ziliqar për ju është t’i kushtoni vëmendje mënyrës se si ata flasin për njerëzit e tjerë dhe si e shohin botën në përgjithësi ,” thotë Liz Kelly, një psikoterapiste, për Bustle. “Ka një probabilitet të lartë që ky person të akuzojë jetën si “të padrejtë”. “Shpesh, ata që përdorin këtë term fajësojnë rrethanat e jashtme që nuk kanë arritur aq sa të tjerët apo ju, pavarësisht përpjekjeve që bëni për të pasur sukses”, shton ekspertja.
Ata po përpiqen t’ju lënë në hije.
“Miqtë xhelozë ose anëtarët e familjes zakonisht përpiqen të vjedhin shkëlqimin tuaj.” Çfarëdo që keni bërë, ata e kanë bërë më parë dhe më mirë. Rritja që keni marrë nuk është asgjë në krahasim me të tyren, ose udhëtimi juaj jashtë vendit zbehet në krahasim me të tyren. “Çështjet e tyre të vetëvlerësimit i pengojnë ata të gëzohen për sukseset e të tjerëve dhe ata gjithmonë përpiqen të duken si më të mirët e të gjithëve,” vëren Cynthia Catchings, një terapiste e shëndetit mendor.
Ata nuk ju respektojnë për vendimet tuaja.
Një person xheloz do të kritikojë vazhdimisht veprimet ose zgjedhjet tuaja, edhe nëse ato nuk e prekin fare atë. Pra, në vend që të jenë të lumtur për ju apo edhe të përpiqen të kuptojnë vendimet tuaja, ata ju gjykojnë. “Një tjetër shenjë e qartë e zilisë dhe vetëvlerësimit të ulët“, thotë Cynthia Catchings.
Ata i mbulojnë fyerjet me komplimente.
“Një kompliment i fshehur – domethënë një kompliment që duket si lavdërim, por në fakt përmban një fyerje – është një shenjë e zakonshme e xhelozisë” thotë Catchings. “Shpesh do të dëgjoni një person që i ka zili sukseset e të tjerëve, të lavdërojë duke anuluar në të njëjtën kohë fjalët e bukura të thëna me anë të një kontrasti që do t’i shtojë fjalisë së tij ose përmes një fyerjeje të mbuluar. Sigurisht, argumentet e tyre përfshijnë dhjetëra stereotipa dhe paragjykime”.
Ata shmangin këdo që ka sukses.
“Sidomos menjëherë pas suksesit të tij.” Shmangia e personit dhe mosdashja për të kaluar kohë me të pasi të ketë arritur diçka mund të jetë një shenjë xhelozie. “Ndërveprimi me këtë person u shkakton atyre emocione të forta, të cilat nuk i menaxhojnë dot, prandaj e shmangin atë”, theksojnë ekspertët.
