‘Përdhunimi është një krim kundër njerëzimit‘, tha këngëtari italian me origjinë shqiptare, Ermal Meta duke iu referuar ngjarjes në Palermo, ku një grup prej shtatë djemsh u akuzuan për përdhunimin e një 19-vjeçareje, sipas “Il Messaggero”. Këngëtari përdori rrjetet e tij sociale për të bërë thirrje për dënime të ashpra ndaj të akuzuarve.
“Kur përdhunon një grua, nuk shkakton vetëm dëm fizik që mbetet i jashtëzakonshëm. Kur përdhunon një grua vret të ardhmen e saj, besimin e saj tek të tjerët dhe në jetë dhe pa atë besim ju rrezikoni aftësinë e saj për të pasur edhe fëmijë një ditë. Kjo rrezikon të gjithë njerëzimin. #përdhunimi është një krim kundër njerëzimit . Cili është dënimi proporcional për një gjë të tillë?”
View this post on Instagram
Ngjarja e rëndë ndodhi në Palermo mbrëmjen e datës 7 korrik, ku një 19 -vjeçare raportoi se ishte përdhunuar nga 6 burra dhe një i mitur. Ajo tha se pasi e dehën, abuzuan ndaj saj, ndërsa policia ka arrestuar 7 personat.
