Vetë dy javë pasi ata u fotografuan në një klub nate në Londër dhe konfirmuan se ishin rikthyer, i dashuri i Dua Lipës, Isaac Carew është zënë mat me një vajzë tjetër.
Disa foto të publikuara nga “The Sun” e tregojnë atë mjaft të afërt me vajzën teksa kërcejnë në një klub nate në Londër.
Si për çudi ata po kërcenin nën tingujt e këngës së Duas dhe Isaac tentonte gjatë gjithë kohës ta puthte vajzën që kishte në krahë.
Ndërkohë që këngëtarja me origjinë shqiptare vazhdon turneun e saj në Amerikë dhe mban mendjen tek Isaac, duket se modeli po argëtohet për qejfin e tij.
Vetëm një ditë më parë Dua postoi në Instagram një foto të tij ku thoshte se ishte foto e nxjerrë nga arkivat e saj që nga viti 2015.
Gjithashtu më vonë këngëtarja filloi të postonte në Twitter dedikime për dashurinë.
“Duaji ata me gjithçka që ke, sepse e meritojnë botën. Dashuria është gjëja më e mrekullueshme në botë”.
“Mos kini frikë të doni me gjithçka çfarë keni”- kanë qenë disa nga shkrimet e Dua Lipës në Twitter.
