Këngëtari i njohur, Erik Lloshi, i befasoi të gjithë kur shpalli fejesën, pak kohë pas ndarjes nga e dashura e tij, Jola Progri, me të cilën kishte pasur një lidhje disa vjeçare.
Vetëm pak ditë më parë i ftuar në emisionin “Thumb”, Eriku tha se me vajzën me të cilën është fejuar është lidhur një muaj pas ndarjes nga Jola.
“Që nga moment që jam ndarë jam lidhur me vajzën që kam në krah, rreth një muaj mbrapa. Mora një vendim në jetën time për 6 muaj, që nuk e kam marrë për 5 vjet kur kam qenë me dikë. Ndonjëherë jeta është e çuditshme dhe ne artistët jemi të tillë në vendimet që marrim. Jam i sigurt që nuk është vendim i gabuar”, tha këngëtari për “Thumb”.
Pas këtyre zhvillimeve të shpejta në jetën e Erikut, ish-e dashura e tij duket sikur ka vendosur të reagojë nëpërmjet një postimi në Instastory. Jola ka publikuar një video ku shfaqet në makinë dhe dëgjohet duke kënduar disa vargje nga kënga “Fund” e reperit Majk.
“Gjithçka që me ty e ndërtova, e prisha, vet unë fund i dhashë. Gabova, e kuptova që është tepër vonë o tash”, dëgjohet të këndojë Jola në videon e postuar në Instastory, gjë që ka ngritur dyshime se këto vargje i dedikohen pikërisht Erikut.
